جهاز تحكم عن بعد بلوحة مفاتيح ماوس لاسلكي 2 في 1 - قابل لإعادة الشحن - أسود (مفتاح عربي / إنجليزي)

ممتاز وسعره مناسب ويعمل علي اكتر من جهاز

اولا الجهاز كويس بالنسبة لسعره مقارنة باجهزة تانية، والبطارية معقولة والمدي بتاعه تقريبا عشرة متر بس بدون حواجز .. الجهاز اشتغل علي اللاب توب كويس جدا، وكمان علي التليفزيون الاندرويد، بس مشتغلش علي التليفزيون السمارت القديم اللي مفيهوش اندرويد .. دا غير انه حتي اشتغل علي الموبايل كمان .. التفاصيل: الماوث ممتاز وشغال في الابعاد التلاتة كويس، ضغطة الماوث بتسبب حركة صغيرة في الماوث بس مش عاملة مشكلة في التحكم .. غير ان وظيفة الماوث بيتم ايقافها لو قلبت الجهاز علشان تستخدم الكيبورد، فمبيحصلش حركة غير مرغوب فيها .. والماوث نفسه في زرار تحكم تشغيل وايقاف الحرك .. ناقصه بس زرار السكرول بتاع البكرة .. الكيبورد كويسة وزرايرها كويسة وحجمها مش صغير قوي زي ما كنت متوقع، يعني ينفع استخدمها بدون صعوبة .. فيها عربي وانجليزي، وعلي الموبايل بتقدر تختار لغات اكتر من اعدادات الاندرويد، بس طبعا مش مكتوب علي الكيبورد غير عربي وانجليزي .. البوردة ناقصها بعد الزراير اللاضافية اللي ممكن تكون مهمة عند بعض الناس، اهمها زرار اسكيب بتاع الرجوع، الزراير الناقصة: esc, f11,f12,Windows, pageup,pafedown,home كريموت للتليفزيون شغال مقبول، الماوث شغال علي التليفويون الاندرويد كويس، وزراير الاتجاه والصوت شغالة حتي علي الالاب والموبايل .. كريموت مقدرتش اعرف زرار قايمة القنوات منين، بس زرار الهوم بيفتح قايمة الهوم الرئيسية، وارقام الكيبورد بتجيب القنوات اكيد هيختلف الاداء من نوع تليفزيون للتاني، بس الاداء العام شبه الريموت المينيمال اللي زرايره قليله بتاع بعض التليفويونات الحديثة