المبعوث + حقيبة زيجور المميزة

تقريبًا أكتر حاجة ضايقت البعض وأثارت إعجاب البعض الآخر، مأثارتش انبهاري بالطريقة المنتظره! لكني كنت متوقع ان الرواية تعمل جدل صغير بشأن النقطة دي، وهي نقطة بعض الكتاب بيتعمدوا تناولها عشان يحصلوا على الجدل اللي بتكلم عنه؛ لأنهم عارفين القارئ هيكون رد فعله إيه لما يقرأ نص بيتناول "الجن والملائكة"، رغم ان الجن أصبح عادي نوعًا في الوقت الحالي. تناول الملائكة في أي نص واستغلالهم في كتابة حكاية خيالية متعملش كتير عندنا، والقارئ الطيب على استعداد للصدمة والزعل لو حد عمل كدة. المهم ان الكلام ده (عالميًا) مش جديد، في الواقع يعتبر قديم بمقاييس الرعب والخيال الغربي أو الأوروبي، اللي عايز اقوله اني لو هعتبر شيء ما "صادم وجديد" لازم إما يقدم فكرة جديدة أو تناول جديد. ده غير اني شايف ان الرواية "أليفة" جدًا، وواضح ان الكاتب مكانش عايز يزعل حد.