maana wala alena

ا - هتختاروا وتلعبوا بأنهي ناحية :
اسئلة عميقة ولا اسئلة خفيفة ، وتحطوا الكروت مقلوبة في
الوسط كل لعيب ياخد كارت تصويت
- الي حابب اللعبه هيسحب اول كارت ويقراه بصوت عالي .
كارت السؤال فيه اختيارين وكل اختيار مترقم ، عشان وانتوا
بتستخدموا ورقة التصويت تختاروا الاجابة حسب رقمها
- وانتوا بتصوتوا فكروا في راي الأغلبية هيكون إيه مش رأيكم
انتوا . . تختار الاجابة إزاي ؟ هتخلي النص الي فيه رقمها باصص ناحية
اللعيبة ، وتقلب الكارت علي وشه ومينفعش حد يشوف إجابتك .
- هتعدوا لثلاثة وهتكشفوا الكروت لبعض في وقت واحد ، وتبصوا
بسرعة إيه الإجابة الي كسبت الأغلبية
- لو أكثر من لعيب جاوب إجابة الاقلية هيحطوا إيديهم عالارض
بسرعة فوق بعض وآخر حد يحط إيده فوق هو الي هياخد كارت السؤال .
- لو كلكم اختارتوا نفس الإجابة او نصكم اختار إجابة ونصكم
الثاني اختار الإجابة الثانية برضو هتتسابقوا مين هيحط إيده
عالأرض الأول لو شخص واحد كانت إجابته أقلية هياخد كارت السؤال .
- الي يجمع ١٧ او ١٠ كروت أسئلة يطلع بره حسب عايزين تلعبوا أد ايه .
آخر ٣ لعيبة هيعدوا معاهم كام كارت سؤال ، وأقل حد فيهم هو
الكسبان .
. متبصوس علي ورق بعض اعتبروه امتحان كيميا .
بالراحة وانتوا بتحطوا ايديكم على بعض مش عايزين إصابات .
متحطش ايدك عالأرض من باب الاحتياط عشان هتطلع بره
يا فزلوك .
. لو سنكم تحت ١٦ متلعبوش بالاسئلة العميقة ، خليكم في
الخفيفة هتتبسطوا وعد .