بالطو وفانله وتاب

بعد إنتهاء فترة الامتياز "سنة التدريب اللي قبل التخرج على طول" ، وبعد قضائي أجمل الأيام بها.. جاء وقت التخرج.. الوقت اللي طلبة طب كلها بتستناه .. والتخرج يعنى حفلة التخرج.. وحفلة التخرج أنا محضرتهاش الصراحة .. مش عشان أنا كنت مقتنع إن مفيش حاجة اسمها تخرج لطالب كلية طب.. وإن طريق الطب طويل وما بينتهيش بحفلة بيكسروا فيها قلل وبيتصورا فيها صور تذكارية .. لا إطلاقاً مش عشان كدا .. ولكن عشان كل حفلات التخرج في الكليات الباقية كانوا بيجيبوا جنات.. إليسا.. راكي صبري، إنما كليتنا العريقة لما فكرت تجيب حد في حفل تخرجنا راحت جايبة نائب محافظ الغربية !... اللي هو نهار أسود يعني...!