2oolAmeme لعبة قول او اعمل جيب الأصلية مع 50 سؤال و50 تحدي - من قول أميم

اللعبة المثيرة لجدل الخروجة (قول أو اعمل) 
من غيركم ماكانتش اللعبة طلعت، وكل حد بعت سؤال أو حكم الـ Instagram username بتاعه مكتوب عالكارت.

اللعب هيبدأ وتسابق صحابك عالـ Board، كل ما تجاوب وتنفذ أحكام صعبة هتسبق الكل على عرش ملك القعدة. 
مستني إيه؟ هي دي اللعبة اللي هتخلي القعدة سبايسي، وهتقربك من صحابك. 
 

اللعبة عبارة عن ايه؟

مبدأياً كده كل واحد هيختار لون قشاط اللى هيمشي بيه طريقه لحد ما يخلص ال 30 خطوة كله بيقف عند نقطة البداية، والأصغر سناً هوا الي بيبدأ.

جاهزين نبدأ؟ 
نقطة البداية هي الفرصة الوحيدة اللى هيكون عندك حرية الاختيار تبدأ بكارت من كروت الأسئلة أو الأحكام، غير كده كل خطوة عليها لون الكارت اللى لازم تلتزم بيه، بحيث الأزرق للأسئلة والأحمر للأحكام. فى الحالتين لازم اما تجاوب السؤال او تنفذ الحكم.

كل كارت هيكون فيه اختيارين مختلفين الصعوبة لازم هتنفذ واحد فيهم، كل سؤال/حُكم بيمشيك عدد خطوات معينة، والأصعب خطواته أكتر فأنت و شطارتك بقا.. بس لو ما جاوبتش أو ما نفذتش الحكم هتضطر ترجع خطوة !

فى الطريق هيقابلك 6 محطات منها الحلو اللى هيساعدك و منها اللى هيعطلك، فحاول توصل لنقطة النهاية أسرع من أصحابك عشان تبقا ملك القاعدة.