PE Foam 3D Brick Pattern Wallpaper - 70*77 Cm - 1 Pc

لاصق الحائط السحرى، إختراع سحرى فعلا لإنه لاصق بشكل الحيطة بالظبط، وهو على هيئة بلاط حائط عازل للصوت، يعنى من النهارده مش هتسمع صوت البياعين ولا كلاكسات العربيات وهتقدر معاه تنام مرتاح، ومش كده وبس ده كمان هيحميك من برد الشتا و كمان مقاوم للمياه ومضاد للصدمات، وده لإنه مصنوع من بلاط حائط مطاطى عالى الجودة والكفاءة، ده طبعا غير التصميم الرائع اللى هيدي بيتك شكل ورونق يخليه مميز وأنيق.

لاصق الحائط السحرى هينفع لبيتك ولشركتك وهيضمن لك الراحة والهدوء والشياكة فى نفس الوقت، وكمان ملمسه ناعم جدا ومقاوم للحرارة والرطوبة وهتقدر تركبه فى أماكن كتير جدا ورا التليفزيون أو فى وضة الصالون وأوض النوم، كمان لاصق الحائط سهل الإستخدام وسهل القطع وهتقدر تركبه على الحيطة فى ثوانى ومن غير أى أدوات خاصة، ده غير إن لاصق الحائط مش بيتكسر أو بيتشرخ وهيعيش معاك لأطول فترة ممكنة.

ولاصق الحائط السحرى هتغطى بيه الجدران اللى الدهان بتاعها إتوسخ، وكمان هتستخدمها فى أوضة الأطفال اللى أكيد الحيطان بتاعتهم ملونين ومشخبطين عليها، ينفع تركب اللاصق على السيراميك أووالمعادن أوالبلاستيك أوالأخشاب، بس مينفعش تستخدمه قريب من النار، ده غير إن لاصق الحائط السحرى آمن تماما وصحى جدا يعنى صديق للبيئة ومش بيسبب أى أضرار.

طريقة الإستخدام:
حدد حجم الحيطة قبل القطع، وبعد كده هتنضف الجدران الأول قبل ماتركبها، وهتقطع الحجم المناسب من اللاصق حسب شكل الديكور اللى إنت عايزه أو المناسب ليك، وهتشيل اللاصق القديم وتركب اللاصق الجديد، بعد كده هتضغط على اللاصق السحرى عشان تتأكد إنه إتلزق تماما على الجدار.

الحجم : 70x 77 سم لون متعدد الالوان