كتاب سالي والكعب العالي

مهما اختلفت خبراتنا وثقافتنا،  واتعلمنا جوه وبره واشتغلنا في أعلى المناصب تظل وستظل العلاقة بين الست والراجل من أكثر العلاقات تشابكًا و تعقيدًا وغموضًا لأننا أصلاً كائنات معقدة عندنا مشاكل نفسية بالفطرة بتبدأ من وقت الرضاعة ولما بنرتبط بالطرف الآخر بنبقى عاوزين نطلع فيه القطط الفاطسة والقديم والجديد كله. وفي الآخر بنكتشف إن لا الست فاهمة نفسها ولا عارفة هيه عاوزة إيه ولا الراجل واعي لحاله وعارف هوا عاوز إيه... 
بس بعد عمل التحريات اللازمة والمراقبة والمتابعة والتعامل عن قرب وعن بُعد قدرت في الكتاب ده أنقل لكم خلاصة الموضوع وأجيبلكم من الآخر وببساطة شديدة عشان تقتدروا تفهموا الطرف الآخر وتجتازوا العلاقة بنجاح وطبعًا في الأول وفي الآخر كله نصيب وتوفيق من عند ربنا... ونصيحة أخيرة مني ليكم بلاش تاخدوا الدنيا على صدركم عشان متفطسوش.