معلش إحنا بنحور

معلش إحنا بنحور 
لعبة الضحك والتحوير والتقمص الجامد!
لو بتدور على لعبة تغير جو القعدة وتخليكم تموتوا من الضحك، يبقى لازم تجرب "معلش إحنا بنحور"!
إيه جو اللعبة؟
اللعبة فيها 58 كارت، وكل كارت عليه صورة غريبة أو مضحكة.
بتتقسموا فريقين، وكل فريق يختار حد يشرح الصورة للفريق التاني في دقيقة واحدة بس 
بس خد بالك… الشرح ممكن يكون حقيقي، أو فيه "قرمطة" وتحوير زي ما "القرموطي" بيعمل 
الفريق التاني يفضل يسأل أسئلة، ويحاول يكتشف:
هو بيهزر وبيقرمط؟
ولا فعلاً بيقول الحقيقة؟
اللي يكتشف القرمطة ياخد نقطة
لو اتقرمطتوا ومخدتوش بالكم، الفريق التاني هو اللي بيكسب النقطة.
مناسبة لكل التجمعات:
صحابك؟
العيلة؟
القعدة على البحر أو في البيت؟
هتولعوا ضحك وتحوير!