آدم اند إيف للكاتبة شيماء الشريف

أكتر مشروع شايل هموم الماضي وعقدنا النفسية هو الجواز، هو ضحية كل إخفاقتنا واحتياجتنا اللي مقدرناش نحققها بشكل سليم وكمان شايل موروثات أجيال كتيير عاف عليها الزمن. كل واحد فينا بيدخل العلاقه عنده احتياجات وتطلعات وتوقعات وبينتظر الطرف التاني أنه يلبى له احتياجاته، ده كمان بيستناه يكونله مصباح علاء الدين علشان يحققله كل توقعاته.... اه والله اسمع منى.... عايزين نحلم والطرف التاني يحقق لا وكمان بنحمله مسؤلية أنه مش بيتصرف زى مبنحلم، تمام زي منكون عايزينه يقرأ أفكارنا ويتوقع احتياجتنا ويحل مشاكلنا ويداوى جروحنا، مصباح علاء الدين مفيش كلام..